மாணவர்களின் கற்றல் குறைபாடு

எழுத்து 

அசானா இப்பத் 

மனோ தத்துவவியலாளர் 

புத்தளம் , இலங்கை 

மக்கள் அனைவரும் புத்தக வழி கல்வி கற்றல் மட்டுமே இன்றைய தலைமுறையின்  திறமை என்று கருதுகின்றனர். அதனாலேயே பல மாணவர்கள் தங்களின் மற்ற திறன்களை வெளிபடுத்த முடியாமல் பெற்றோர் மற்றும் ஆசிரியர் மத்தியில் புறகணிக்கப்படுகின்றனர் .
*ஒரு குழந்தை தன்னுடைய இளமை காலத்தை அதிகம் கற்றலில்  கழிகின்றது.
*ஒவ்வொரு வருடம் பாடசாலை பரீட்சை பெறுபேறுகளை வைத்து அந்த புள்ளி மையப்படுத்தி சில பெற்றோருக்கு குழந்தை தண்டனை கொடுப்பது,
இழிவு படுத்தும் அந்த பாடசாலை குறைவான புள்ளிகளை எடுக்கும் புறக்கணிக்கப்படுவதும் பெரும் தவறாகும்.
*விஞ்ஞானரீதியாக கணிப்பு படி ஒரே ஆண்டில் ஒரே மாதத்தில் பிறந்து நூறு குழந்தைகளை ஆய்வு செய்து போது ஏழு சதவீதமான குழந்தைகள் நுண்ணறிவுமிக்கவர்கள்.
பதினைந்து சதவீதம் மீத்திறன் கொண்ட குழந்தைகள்.
முற்பது மூன்று சதவீதமான குழந்தைகள் மெல்ல கற்க்கும் குழந்தைகள்.
நாற்பது ஐந்து சதவீதம் குழந்தை கற்றல் குறைபாடான குழந்தைகள்.
என ஆய்வுகளின் தரவு சொல்லுகிறது.
* நாற்பது ஐந்து சதவீதம் கற்றல் குறைபாடு இருந்தால் மற்ற கலைகளில் சிலவற்றி தேர்ச்சியுடைவராக இருப்பார்கள்.
*discalculiy_கணிதம் கற்றல் குறைபாடாகும்.
*dyslexia_(டிஸ்லெக்ஸியா)_ கற்கும் திறன் மொழியை புரிந்துக்கொள்ளுவதின் குறைப்பாடு.
Dyspraxia disorder குழந்தை ஒருங்கினணப்பு குறைபாடாகும்.
இவை போன்ற நோய்களுக்கு சிகிச்சை உண்டு.
*புரதம் சத்துணவு குறைவாகவும் இருக்கும் குழந்தைகள் மூளையில் சேகரிப்பு குறைவாகவும் இருக்கும்.
உடம்பில் ஈமோகுளப்பின் குறைந்த பிள்ளைகளுக்கு களைப்பு சோர்வு ஞாபக மறதி இருக்கும்.
ஆகவே எமது குழந்தைகளுக்கு கற்றல் குறைபாடுகளுக்கு காரணங்களை அறிந்து அவர்களுக்கு சிகச்சை அளிப்பதும் அவர்களுக்கு ஆளுமை அதிகரிப்பு உதவ வேண்டியது அவசியமாகும்.

Advertisements

பீஜெ க்கு மனம் திறந்த மடல் !

அல்லாஹ்வின் திருப்பெயரால்…

பீஜெ க்கு மனம் திறந்த மடல் !

மீடியா வேல்டு புகழ் பி,ஜே, அவர்களுக்கு

தங்களின் பிரியத்திற்குரிய முன்னாள் தொண்டன் S.ரபீவுத்தீன் மதுக்கூர் உடைய அஸ்ஸலாமு அலா மனித்தபஅல் ஹுதா.

நான் தங்களின் நீண்ட நாளைய மாணவன் என்பது தாங்கள் அறிந்ததே.

தங்களின் பேச்சுத்திறமை எழுத்துத்திறமை ஆகியவற்றின் வசீகர தன்மையால் கவரப்பட்டேன். ஆணித்தரமாக பித்அத் எனும் அனாச்சாரங்களையும் மூடப்பழக்கங்களையும் எதிர்த்த போது உங்கள் மீது நான் கொண்ட அன்பு பன்மடங்காக பெருகியது.

தாங்கள் சொல்வது தான் உண்மை. மற்ற ஹஜரத்மார்கள் எல்லாம் பொய்யர்கள் என்று எண்ணி உங்களின் பேச்சையும், எழுத்தையும் பின்பற்றி நடந்தேன். தாங்கள் பித்அத்களை சரமாரியாக எதிர்த்து முஸ்லிம்களை விழிப்படையச் செய்த அதே வேளை மத்ஹபுகளையும் அதன் இமாம்களின் வழி காட்டுதலையும் குறை கண்டீர்கள். கடுமையாக விமர்சனம் செய்தீர்கள்.

தக்லீது செய்வது (மத்ஹபுகளுடைய இமாம்களை பின்பற்றுவது) கூடாது என்றும், தனி மனிதர்களை பின்பற்றுவது கூடாது என்றும் குர்ஆன் ஹதீஸை மட்டுமே பின்பற்ற வேண்டும் என்று கர்ஜித்த கர்ஜனை செய்து வந்த உங்களை பின்பற்றினேன். தங்களின் பழைய மற்றும் புதிய பிரச்சார சட்ட விளக்க வெளியீடுகளான அந்நஜாத், புரட்சி மின்னல், அல்ஜன்னத், அல்முபீன் முஸ்லிம் பெண்மனி போன்ற பத்திரிக்கைகளின் வழிகாட்டுதலை வேதவாக்காக கருதி ஏற்றுக்கொண்டு வழி நடந்தேன்.

உங்கள் மீது எனக்கு இருந்து வந்த அபார நம்பிக்கையினால் குர்ஆன் ஹதீஸோடு ஒப்பிட்டு பார்க்கவில்லை.

அத்தஹிய்யாத்து இருப்பில் விரலை ஆட்டிக்கொண்டே இருக்கச் சொன்னீர்கள். நானும் தௌஹீத் சகோதர்களும் வழிப்பட்டோம். சில காலத்திற்குப் பின் அந்த ஹதீஸ் ளயீஃப் (பலகீனமானது) எனவே ஆட்டிக்கொண்டே இருக்காதீர்கள் என்று வாபஸ் வாங்கினீர்கள் அப்பொழுதும் வழிப்பட்டோம்.

(i) பேண்டை கரண்டைக்காலுக்கு கீழே அணியலாம்.

(ii) குர்ஆனை தொழுகையில் பார்த்து ஓதலாம்.

(iii) ஜக்காத்தை வருடா வருடம் கொடுக்க ஆதாரம் இல்லை.

(எ) களா தொழுகை என்ற ஒன்றே கிடையாது

(எi) மையத்தின் கண்ணை நோண்டலாம். (கண் தானம்)

(எii) கிட்னியை தானம் செய்யலாம்.

அவசியப்பட்டால் பன்றியின் ஈரலை பயன்படுத்தலாம்.

பிறந்த குழந்தையின் காதில் பாங்கு சொல்லக்கூடாது.

என்பன போன்ற பற்பல கருத்துக்களை தாங்கள் எங்களுக்கு சொன்ன போது ஆதாரத்தை அலட்சியப்படுத்தி விட்டு உங்களை தக்லீது செய்தோம்.

ரமழான் நோன்பு மற்றும் பொருநாளையும் முஸ்லிம்களின் வழக்கப்படி அந்தந்த பகுதியில் பிறை பார்த்து அமல் செய்து வந்தேன்.

இதையெல்லாம் பிறை ஆய்வுக்குழு உலக முழுவதும் ஒறே பிறை தான் என்று (அல்ஜன்னத் -நவம்பர் 99) ல் ஃபத்வா கொடுத்தீர்கள் தக்லீது செய்தோம்.

ஆனால் திடீரென அந்தர் பல்டியாக உலகமெல்லாம் ஒரே பிறை என்பது கூடாது (அல்முபீன் -ஜனவரி 2000) பிறை பார்த்து நோன்பு வையுங்கள் பிறை பார்த்து நோன்பை விடுங்கள் என்று திர்மிதியில் நாம் சொன்ன ஹதிஸுக்கு அடுத்தே வருகிறது அதை நாம் கவனிக்காமல் ஃபத்வா கொடுத்து விட்டோம் என்று வாபஸ் வாங்கினீர்கள்.

பிறை விஷயத்தில் தாங்கள் மழுப்புவதை என்னால் நம்ப முடியவில்லை. தாங்கள் அடிக்கடி கூறுவீர்களே…

என் தௌஹீது சகோதரர்கள் கண் மூடித்தனமாக எங்களை பின்பற்ற மாட்டார்கள் என்று அதை செயல்படுத்த முடிவு செய்து உண்மையிலேயே குர்ஆன் ஹதீஸை ஆய்வு செய்யத் துவங்கினேன்.

விளைவு PJ- யின் பேச்சிலும், எழுத்திலும் பாக்டீரியாக்கள் எனும் விஷக் கிருமிகள் ஒழிந்திருப்பதை புரிந்து கொண்டேன்.
ஆய்வு செய்ததில் எனக்கு கிடைத்த சில தெளிவுகள்!

பேண்டை கரண்டை காலுக்கு கீழே அணியலாம் என்று (அல்ஜன்னத்- ஜூன் 95, பக்கம் -8) ஃபத்வா கொடுத்து விட்டு (அல்ஜன்னத் ஜூன் 99)ல் கரண்டை காலுக்கு கீழே ஆடை அணிந்தவர்கள் நரகம் புகுவர்கள் (புகாரி) என்று புரட்டுகின்றீர்கள்.

95-ல் கிடைக்காத ஹதீஸ் 99-ல் கிடைத்து விட்டதோ??

களா தொழுகை கிடையாது (அல்ஜன்னத் ஆகஸ்ட் -95 பக்கம்-43) என்று நபி வழியில் நடக்கும் தாங்கள் ஃபத்வா கொடுத்தீர்கள். ஆனால் ஒரு பிரயாணத்தில் சூரியன் உதயம் வரை உறங்கி விட்ட நாயகமும் (ஸல்) தோழர்களும் ஃபஜ்ரை பாங்குடன் சேர்த்து களா செய்தார்கள் என்று அபூதாவூது ஹதீஸ் எண் 436- லும் புகாரீ பாகம் 1 பாடம் -38 பக்கம் 471 ஹதீஸ் எண் 598-ல் நபி (ஸல்) அவர்கள் களா தொழுதார்கள் என்றும் வருகிறதே?

இதில் PJ – யின் வழி நபி வழியா? அல்லது புகாரீ, அபூதாவூது ன் வழி நபி வழியா? தௌஹீது சகோதரர்களின் சிந்தனைக்கு…

பிறந்த குழந்தையின் காதில் பாங்கு சொல்ல ஸஹீஹான ஹதீஸ் இல்லை என (அல்ஜன்னத் ஜூன் 95, பக்கம் -8) குறிப்பிட்டிருக்கின்றீர்கள்.

ஆனால் சுனனுத் திர்மிதி அடிக்கடி நீங்கள் ஆதாரம் காட்டும் ஹதீஸ் கிரந்தம் பாகம் -1 பக்கம் -278 குழந்தையின் காதில் பாங்கு சொல்லும் பாடம் என்றே தலைப்பிட்டு பாத்திமா (ரலி) ஹசன்(ரலி) யை பெற்று எடுத்த போது நபி (ஸல்) அவர்கள் குழந்தை ஹஸன் காதில் தொழுகைக்கு பாங்கு சொல்லுவதை போன்று சொன்னார்கள் என்ற ஹதீஸை குறிப்பிட்டு திர்மதி இமாம் அவர்களே அதை ஸஹீஹான ஹதீஸ் என்றும் குறிப்பிடுகின்றார்கள்.

காலமெல்லாம் நடை முறையில் இருந்து வந்த ஒரு ஸஹீஹான ஹதீஸை முழு பூசணியை சோற்றில் அமுக்குவதைப் போல அமுக்கி விட்டு, முஸ்லிம்களை சேற்றில் தள்ளப்பார்க்கிறீர்களே ஹல்ரத்!

குர்ஆனை தொழுகையில் பார்த்து ஓதலாம் என்று (அல்ஜன்னத்-ஆகஸ்ட் 95) ஃபத்வா கொடுத்தீர்கள் அதற்கு குர்ஆன் ஹதீஸ் ஆதாரம் கேட்டு (தௌஹீத் சகோதரர்கள் N. ஈஸா (அல்ஜன்னத்-அக்டோபர் 95- பக்கம் 15) P.S. அப்துல் காதர் (அல்ஜன்னத்; அக்டோபர் 95- பக்கம் 16) மஹ்மூது பின் இம்ரான் (பிப்ரவரி -96)எழுதிய போது நீங்கள் கடைசி வரை குர்ஆன் ஹதீஸ் ஆதாரத்தை காட்டாமல் வாதத்திறமையால் வாயடைக்கச் செய்தீர்கள்.

ஹஜ்ரத் என்று நபித்தோழர்களுக்கு சொல்வதை தடுத்து உயர்திரு.. என்று சொல்லச் சொல்ல நீங்கள் (அல்ஜன்னத் மே 91 பக்கம் 22) நானும் தௌஹீது சகோதர்களும் உங்களை ஹஜ்ரத் என்று அழைத்த போது தடுக்கவில்லையே ஏன்?

ஹஜ்ரத் என்றால் கல் எனவே ஹல்ரத் என்ற அசல் வார்த்தையைச் சொல்லி என்னை மற்றும் நபித்தோழர்களை அழைக்கலாம் என்றாவது சொல்லி இருக்கலாமே அப்படியும் இன்றி உயர்திரு என்று திரும்பியதிலிருந்து நபித்தோழர்களை தங்களை போல் வேறு யாராலும் இழிவு படுத்த முடியாது என்பதை உணர்ந்தேன்.

பிறை விஷயம் பற்றி காயல்பட்டிணத்தில் தாங்கள் பேசும் போதும் திர்மிதியில் வருவதாக நாம் முன்பு கூறிய ஹதீஸுக்கு ( உலகமெல்லாம் ஒரே பிறை) அடுத்தே (ஊருக்கு ஒரு பிறை ) என்ற வருகிறது நாம் கவனிக்கவில்லை என்று உளறுகிறீர்கள்….

வெட்கமில்லை உங்களுக்கு? நபிவழி என்ற பெயரில் பொய்யாகவே மொழிந்து தள்ளுகிறீர்களே…. பிறை விஷயமாகத்தான் ஹிஜ்ரீ 200-ல் வாழ்ந்த இமாம் புகாரீ (ரஹ்) தனது ஸஹீஹுல் புகாரீ பாகம் 2 பக்கம் 583 ஹதீஸ் எண் 1906-1907-1909 புட்டு புட்டு வைக்கிறாரே அடடே பார்க்கவில்லையா?

ஆமாம் அது என்ன எதற்கெடுத்தாலும் ஹதீஸுக்கே ஓடுகிறீர்கள் உங்கள் கொள்கைப்படி புகாரீ, முஸ்லிம், அபூதாவூது, இப்னு மாஜா, நஸாயி, திர்மதி எல்லாம் நபிகள் நாயகம் (ஸல்) அவர்கள் காலத்தில் உள்ளவை அல்லவே.

நீங்கள் நபிகள் நாயகம் (ஸல்) அவர்கள் காலத்தில் நடை முறையில் இருந்தால் தானே பின்பற்றுவீர்கள் அப்படியானால் நீங்கள் குர்ஆனில் இருந்து தானே ஆதாரம் காட்ட வேண்டும். ஏன் குர்ஆனில் எதுவும் தில்லு முல்லு செய்ய முடியாது என்பதாலா?

உங்கள் கொள்கைக்கு ஒத்து வந்தால் ளயீபான ஹதீஸை ஸஹீஹ் என்பது உங்கள் கொள்கைக்கு முரண்பட்டால் ஸஹீஹான ஹதீஸை ளயீப் என்பது உங்கள் அசுத்தமான கொள்கைக்கு ஆதாரமாக இருக்ககூடிய ஹதீஸ்களை காட்டி இளைஞர்களை மூலைச் சலவை செய்வது ஆஹா பலே தலைவா.

இது என்ன ஹதீஸ் கிடைக்காத காலமா? யாரேனும் சகோதரர்கள் உங்கள் கருத்துக்கு ஆட்சேபித்து ஹதீஸ் ஆதாரம் காட்டினால் இமாம்களுடைய (இஜ்திஹாது) ஆய்வில் தவறு ஏற்படுவதில்லையா?அது போல் தான் எனக்கும் என்று சம்மந்தமில்லாமல் இருமாப்போடு கூறுகிறீர்கள். இப்பொழுது விளக்கமாக நூல் வடிவில் இருக்கும் ஹதீஸ் கிரந்தங்களை படித்து விளங்கி கூறுவதிலேயே தாங்களுக்கு தவறு வருவதை நினைத்து வியப்படைகிறேன். உங்களை இமாம் என்றும் தௌஹீது சகோதரர்களை முகல்லிதுகள் பத்திரிக்கைகளை இஸ்லாமிய ஷரீஅத் சட்ட கிரந்தங்கள் என்றும் சொல்வதின் மூலம் உங்களுக்கு பெருமையா?

குர்ஆன் ஹதீஸ் வழியில் நடக்கக்கூடியவர்களை முஸ்லிம்கள் என்று தான் குர்ஆனும் ஹதீஸும் அடையாளம் காட்டுகிறது. ஆனால் தாங்களோ குர்ஆன் ஹதீஸை காட்டி எங்களை தௌஹீதுவாதிகள், நஜாத்காரர்கள், ஆட்டிகள், குழப்பவாதிகள், என்றும் மக்கள் மத்தியில் பேச வைத்து விட்டீர்கள் உங்களுக்கு ஒரு முகமூடி உண்டு அது என்னவென்று நான் புரிந்து கொண்டேன்.

எனவே அறிவிழந்து உங்களை தக்லீது செய்வதை விட வார்த்தையில் சுத்தமான தக்வாவிலும் அந்தஸ்திலும் உயர்வான, குர்ஆன் ஹதீஸ் கலையின் ஆய்வில் நன்கு தேர்ச்சியான ஹிஜ்ரீ முதல் நூற்றாண்டின் இறுதியில் வாழ்ந்த, ஸஹாபாக்கள் பலரை நேரில் கண்ட நான்கு இமாம்களில் ஒருவரை பின்பற்றுவது ஏற்றம் என குர்ஆன் ஹதீஸ் ஒளியில் நான் கருதுகிறேன். திருகுர்ஆனும் ஹதீஸும் இமாம்களை தக்லீது செய்ய வலியுறுத்தும் ஆதாரங்களை பார்க்க.

(i) யாஅல்லாஹ் எங்களுக்கு நேரிய ஹிதாயத் உடைய பாதையை காட்டுவாயாக நீ யாருக்கு அருள் புரிந்தாயோ அந்த நல் அடியார்களின் பாதையை காட்டுவாயாக சூரத்துல் பாத்திஹா வசனம் 5-6.

(ii) மேலும் பார்க்க சூரத்துல் முல்க் வசனம் 10.

(iii) மேலும் பார்க்க சூரத்து அந்நிஸா வசனம் 59.

(iஎ) மேலும் பார்க்க ஸஹீஹுல் புகாரீ பாகம் 2 பக்கம் 146 ஹதீஸ் எண் – 4.

PJ.யின் வழி என்ற இருட்டிலிருந்து 4 இமாம்களின் ஒருவரை தக்லீது செய்வதே உண்மையான நபி வழி என்ற வெளிச்சத்தை அல்லாஹ் எனக்கு காட்டி விட்டான். யாஅல்லாஹ் என்னை போன்றே தௌஹீது சகோதரர்களுக்கும் ஹிதாயத்தை காட்டுவாயாக எங்களை முஸ்லிம்களாக வாழ வைத்து முஸ்லிம்களாக மரணிக்கச் செய்து முஸ்லிம்களாகவே எழுப்புவாயாக ஆமீன் வஸ்ஸலாம்.

தங்கள் உண்மையுள்ள
மனம் திருந்திய (முன்னாள்) தொண்டன்
s.ரபீவுத்தீன் மதுக்கூர்.

உளவியல் சொல்லும் குழந்தை வளர்ப்பு (பாகம் இரண்டு)

அசானா  இப்பத்  

(மனோ தத்துவவியலாளர்)

புத்தளம் –இலங்கை
ஒரு பெண் தனக்குள் குழந்தை உருவாகியவுடன் பல கனவுகள் தியாகங்கள் செய்து ஆளுமையுடன் குழந்தை வளர்க்கனும் என்ற ஆவலிலும்,  ஆசையிலும் குழந்தை பெற்று பாலூட்டி,சீராட்டி இரவு பகலாக ஈ கூட மொய்க்காமல் வளர்கின்றாள்.

ஆனால் பல பெற்றோர்கள் குழந்தைகள் ஐந்து வயதை தாண்டும் போது குழந்தைகளுடன் நடந்துக்கொள்ளும் விதத்தால் பல குழந்தையின் உளவியலும், செயல்களில் மாற்றம் வருவதை பல பெற்றோர்கள் அறிவதில்லை. குழந்தைகளை சிறுவயதில் கண்ணும் கருத்துமாக வளர்ந்தால் மட்டும்  பெற்றோரின் கடமை முடியாது.

2_5 வயதுக்கு இடையில் குழந்தைகள் செய்திகளை இலகுவாக உள்வாங்கும். அறிவை சேகரிக்கும், ஆகவே குழந்தைகளின் உணர்வுகளை  மதிப்பளிப்பது பெற்றோரின் கடமை.

சில குழந்தைகளை பார்த்தால் புரியும், யாரையும் மதிக்க மாட்டார்கள் பெற்றோர்கள் எதை சொன்னாலும் மாற்றமாக செய்வார்கள், இப்படியான குழந்தைகள் சமூகத்தில் துடிப்பான குழந்தைகள் மற்றும் அடங்கா பிடாரினு  சொல்லுவோம், இந்த குழந்தைகள் இவ்வாறாக வளர்ப்பதற்கு காரணம் பெற்றோர்களும் சமூகமும் தான் காரணம் என்று கூற வேண்டும்.

தொழுகை உடல் இங்கு மனம் எங்கு ?

இன்றைய முஸ்லிம்களின் தொழுகை வெறும்  உடல் அசைவுகளால் மட்டுமே நிறைவேற்றபடுகிறது. மனம் பல இடங்களுக்கு அலைபாய்ந்து கொண்டிருக்கும்.

உலகில் மூன்றில் ஒரு பங்கு முஸ்லீம்கள் ஐந்து வேளை தொழுகையை நிறைவேற்றுகின்றனர். அதில் எத்தனைபேர் அதை பரிபூரணமாக உளமாற தொழுகிறோம் என்றால் கேள்வி குறிதான். கடமையை நிறைவேற்ற வேண்டும் என்ற சுமை போல் கடமைக்கு தொழுபவர்கள் தான் அதிகம்.

اِنَّ الصَّلٰوةَ تَنْهٰى عَنِ الْفَحْشَآءِ وَالْمُنْكَرِ‌ؕ وَلَذِكْرُ اللّٰهِ اَكْبَرُ ‌ؕ وَاللّٰهُ يَعْلَمُ مَا تَصْنَعُوْنَ‏

நிச்சயமாக தொழுகை (மனிதரை) மானக்கேடானவற்றையும் தீமையையும் விட்டு விலக்கும். நிச்சயமாக, அல்லாஹ்வின் திக்ரு (தியானம்) மிகவும் பெரிதா(ன சக்தியா)கும்; அன்றியும் அல்லாஹ் நீங்கள் செய்பவற்றை நன்கறிகிறான்.

இந்த வசனம் தொழுகை தீமையிலிருந்து இருந்து தடுக்கும் எனவும். இறை தியானம் மிகபெரிய சக்தி எனவும் கூறபடுகிறது. உண்மையில் நம்மில் எத்தனைபேரின் தொழுகை தீய காரியங்களை விட்டும் தீய செயல்களைவிட்டும் தடுக்கிறது ???

உண்மையில் தொழுகையின் பரிபூரணத்தில்தான் அதன் பலன் கிடைக்கும். இவ்வசனத்தில் இறைதியானம் (திக்ரு) என்ற விடயத்தையும் கவனிக்க வேண்டும். தொழுகை Deep Meditation ஆழ்ந்த தியானம் இறைவன் முன் நிற்கிறோம் என்ற எண்ணத்தோடு ஒவ்வொரு நிலையிலும் நிலைத்து மனதை ஓர்மைபடுத்தி தொழுவதே பரிபூரண தொழுகை.

உளவியல் சொல்லும் குழந்தை…

கட்டுரை – அசானா இப்பத்,

இலங்கை.

 

‘குழந்தைகள்” என்று சொல்லும் போதே உலகிலுள்ள அத்தனைப் பேரின் உள்ளத்திலும் சந்தோஷப் பூக்கள் சங்க மித்துக் கொள்கின்றது. என்பது மறுக்க முடியாத உண்மையாகும். நமது நாட்டைப் பொறுத்த வரையில் கூட ‘நாட்டின் முதுகெலும்பு” என வர் ணிக்கப்படும் இன்றைய சிறுவர்கள். நாளைய தலைவர்கலென சிறுவர் உலகத்தை பொன் எழுத்துக் கூட்டங்களால் பொதிக்கப் பட்டு வைக்கப்பட்டிருக்கின்ற சொற்பதங்கள் சிறுவர்களின் முக்கியத்துவத்திற்கு நல்லதொரு எடுத்துக்காட்டாகும். தாய் சேய் நலன் திட்டங்கள் சிறுவர் பூங்கா சிறுவர் விளையாட்டுக்கள் போட்டிகள் சிறுவர் தினங்கள் என்று இன்னும் ஏறாலமான சிறுவர்களுக்கான திட்டங்களை அரசாங்கம் எடுத்து செயற்படுத்துவதன் நோக்கம் வளரும் தலைமுறையினர் வள மான செழிப்பான ஆரோக்கியமான நல்ல சமூக பிரஜைகளை உருவாக்க வேண்டும் என்பதேயாகும்.

உலகம் முழுவதுமே பன்னி ரெண்டு(12) வயதிற்கு உற்பட்டவர்களை சிறுவர்கள் என பிரகடணம் படுத்தப்பட்டுள்ளது. அதுபோலவே நாமும் நமது பிள்ளைகளில் அதிக அக்கரை செலுத்துவது நமது கடமையாகும். சிறுவர்களுக்கு அன்பு பாதுகாப்பு அக்கரை திறமைகளை வெளிக்காட்ட வாய்ப்புகளை வழங்குதல் வேண்டும் என மனித உரிமைகள் வலியுறுத்தி கூறுகின்றது. அதை நாம் நன்கு அறிவோம். ஆனால் உளவியல் குழந்தைப் பருவத்தை எவ்வாறு ஆராய்ச்சி செய்துள்ளது. அவர்களைப் பற்றி தரவுகள் என்ன விடையங்களை சொல்கின்றது? என்பதைப் பற்றி கட்டாயம் ஒவ்வொரு பெற்றோரும்  அக்கறையுடன் கற்றுக் கொள்வதன் மூலம் சிறுவர்களை திறமைமிக்க ஆளுமையுள்ள நுண்ணறிவாற்றலுள்ள திறன்களைக் கொண்ட நல்சிந்தனையாற்றல் மிக்க பல  மிக்க அன்பான நாட்டையும் மற்றவர்களையும் நேசிக்கக்கூடிய உதவக் கூடிய ஒழுக்க விழுமியங்களைப் பேனக் கூடிய சிறந்த நாளைய பிரஜைகளாக இன்றை நமது குழந்தைகளை உருவாக்கலாம் என்பதில் சந்தேகமில்லை.

ஹாதியா வழக்கு ஒரு பார்வை

கேரள மாநிலம் கோட்டயத்தை சேர்ந்த முன்னாள் சி.ஆர்.எப் போலீசாரான அசோகன்மணி என்பவரின் மகள் அகிலா. 2011ம் ஆண்டு சேலத்தில் உள்ள ஹோமியோபதி மருத்துவக் கல்லூரியில் மருத்துவம் படிப்பதற்காகச் சேர்ந்த தன் மகள் அகிலாவை, கேரள மாநில பெருந்தல்மன்னாவை சேர்ந்த அபூபக்கர் என்பவரும் அவருடைய மகள்கள் ஜெசீனா மற்றும் பாஸீனா ஆகியோரும் கடத்தி, கட்டாய மதம் மாற்றி, சட்டவிரோத காவலில் வைத்திருப்பதாகவும், தன் மகளை மீட்டுத்தர வேண்டும் எனக் கோரியும் கேரள உயர்நீதிமன்றத்தில் ஆட்கொணர்வு மனு ஒன்றை தாக்கல் செய்தார். இந்த மனுவை விசாரித்த நீதிபதிகள் திரு.சி.கே. அப்துல் ரஹீம், திரு. ஷாஜி.பி. ஷாலி அடங்கிய அமர்வு போலீஸ் விசாரணைக்கு உத்தரவிட்டது. போலீசார் உடனடியாக அபூபக்கரை கைது செய்து சிறையில் அடைத்தனர்.

கடந்த 2016, ஜனவரி 9 அன்று நீதிமன்றத்தில் ஆஜரான அகிலா கொடுத்த வாக்குமூலத்தில், சேலத்தில் தன்னுடன் தங்கியிருந்த ரூம்மேட்டுகளாக இருந்த ஜெசீனா மற்றும் பாஸீனா சகோதரிகளின் இஸ்லாமிய மதத்தின் ஐந்து வேளை தொழுகை முறைகள் மற்றும் நற்குணங்கள் தன்னை கவர்ந்ததால், இஸ்லாம் குறித்த நூல்கள், வீடியோ பிரசங்கங்களை கேட்டு தான் இஸ்லாம் மதத்தின்பால் ஈர்க்கப்பட்டதாகவும், தன்னை யாரும் கடத்தவில்லை என்றும் கூறினார்.

இந்த வழக்கை மேற்கொண்டு விசாரித்த போலீசார், அபூபக்கரால் அகிலா சட்டவிரோதக் காவலில் வைக்கப்பட்டிருக்கவில்லை என அறிக்கை தாக்கல் செய்தனர். வழக்கமான நீதிமன்ற மரபுகளின்படி ஹாதியாவின் வயது 24 எனவும் அவள் விருப்பப்பட்டுதான் இஸ்லாத்தை ஏற்றுக்கொண்டுள்ளார் என்றும், இந்திய அரசியலமைப்புச் சட்டம் வழங்கியுள்ள உரிமையின்படி விருப்பப்படி வாழ அவருக்கு உரிமையுள்ளது எனக்கூறி 2016 ஜனவரியில் அசோகனின் மனுவை உயர்நீதிமன்றம் தள்ளுபடி செய்து வழக்கை முடித்து வைத்தது.

உயர்நீதி மன்றத் தீர்ப்பைத் தொடர்ந்து, அகிலா தன் பெயரை ஹாதியா என பெயர் மாற்றம் செய்து சட்டப்படி இஸ்லாமியராக மதம் மாறினார். உயர்நீதி மன்ற உத்தரவின்படி அகில இந்திய முஸ்லிம் தனியார் சட்ட வாரியத்தின் உறுப்பினரும் மனித உரிமை ஆர்வலருமான திருமதி.சைனபா என்பவரின் பாதுகாப்பில் இருந்து வந்தார். இதனிடையே ஹாதியா திருமணம் செய்வதற்காக வலைத்தளம் மூலமாக விண்ணப்பித்து 50-க்கும் மேற்பட்டவர்கள் சம்மதம் தெரிவித்து, அதில் வளைகுடா நாட்டில் பணியாற்றும் கேரளா மாநிலத்தைச் சேர்ந்த ஷஃபின் ஜஹான் என்பவருடன் 2016 ஆகஸ்ட் மாதம் திருமணம் நிச்சயிக்கப்பட்டது.

இந்நிலையில் ஹாதியாவின் தந்தை மகளை மீட்டுத்தரக்கோரி மீண்டும் ஆட்கொணர்வு மனு தாக்கல் செய்தார். அதில் தன் மகளை லவ் ஜிகாத் மூலம் மதம் மாற்றம் செய்து, ஈராக், சிரியா நாடுகளுக்கு அனுப்பி ஐ.எஸ் தீவிரவாத இயக்கத்துக்கு ஆதரவாளராக மாற்ற சதி நடப்பதாகக் கூறியிருந்தார். அவரின் மனு சுரேந்திர மோகன் ஆப்ரஹாம் மேத்தீவ் அடங்கிய அமர்வு நீதிமன்றம் முன் மீண்டும் விசாரணைக்கு வந்தது.

மீண்டும் நீதிமன்றம் முன் நேரில் ஆஜரான ஹாதியா, தன்னிடம் பாஸ்போர்ட் கூட இல்லை என்பதையும், தான் ஐ.எஸ். இயக்கத்தில் சேர்ந்து சிரியா நாட்டுக்கு செல்ல போவதாகக் கூறும் குற்றச்சாட்டுக்கே சற்றும் இடமில்லை என்பதை தெளிவுபடுத்தினார். இந்நிலையில் புத்தூர் ஜும்மா மசூதியில் ஷஃபின் ஜஹான்-டாக்டர் ஹாதியா திருமணம் 19.12.2016 அன்று நடந்தது.

21.12.2016 அன்று தன்னுடைய கணவருடன் நீதிமன்றத்தில் ஆஜரான ஹாதியாவை அவர் கணவரிடமிருந்து பிரித்து விடுதியில் அடைக்க நீதிபதிகள் உத்தரவிட்டதுடன், ஷஃபின்-ஹாதியா திருமணம் குறித்து போலீஸ் விசாரணைக்கும் உத்தரவிட்டனர். விசாரணை மேற்கொண்ட போலீசார் இஸ்லாமிய முறைப்படி திருமணம் நடை பெற்றுள்ளதாகவும் இதில் சட்டப்படியான எந்த தவறும் கண்டறியப்படவில்லை எனவும் அறிக்கை தாக்கல் செய்தனர்.

அடிப்படை உரிமை மற்றும் வயது அடிப்படையில் ஹாதியாவின் சொந்த விருப்பத்திலான மதமாற்றத்தை ஏற்கனவே அங்கீகரித்த நீதிமன்றம், இம்முறை ஹாதியா ஒரு டீன்ஏஜ் பெண் அவருக்கு அவர் வாழ்க்கையை தேர்ந்தெடுக்க உரிமையில்லை என்றும், பெற்றோர்களின் விருப்பத்திற்கு மாறாக செய்த திருமணம் செல்லாது என்றும் தீர்ப்பினை வழங்கியதோடு, கிரைம் பிராஞ்ச் போலீசார் விசாரணைக்கு உத்தரவிட்டனர். அவர்கள், டாக்டர் ஹாதியாவின் கணவர் ஷஃபின் ஜஹான் பாப்புலர் ஃப்ரண்ட் ஆஃப் இந்தியா அமைப்பை சேர்ந்தவர் என்றும், இவர் மீது ஒரு கிரிமினல் வழக்கு உள்ளதாகவும் அறிக்கை தாக்கல் செய்தனர்.

கல்லூரி நாட்களில் அரசியல் போராட்டங்களில் ஈடுபட்டதன் காரணமாக தன்மீது இந்த கிரிமினல் வழக்கு பதியப்பட்டுள்ளதாகவும், கிரிமினல் நடவடிக்கைகளில் தான் ஈடுபட்டதில்லை என்றும் ஷஃபின் ஜஹானின் கூற்றை, நீதிமன்றம் ஏற்றுக்கொள்ளாமல், மே 24, 2017 அன்று திருமணத்தை ரத்து செய்து உத்தரவிட்டதோடு, டாக்டர் ஹாதியாவை அவர் பெற்றோரிடம் ஒப்படைக்கும்படியும், அவரை வெளியாட்கள் யாரும் சந்திக்க கூடாது என்றும், அவர் வீட்டுக்கு காவல்துறை பாதுகாப்பு அளிக்கும்படியும் உத்தரவிட்டது. டாக்டர் ஹாதியா அவர் கணவரிடம் இருந்து வலுக்கட்டாயமாக நீதிமன்றத்தால் பிரிக்கப்பட்டார்.

99 பக்க அந்த உயர்நீதிமன்ற தீர்ப்பில் ஒரு இடத்தில் கூட ஹாதியா காதல் திருமணம் செய்து கொண்டதாக இல்லை. உயர் நீதிமன்றம் மதம் மாறிய ஹாதியாவை விட்டுவிட்டு, அவருக்கு அடைக்கலம் வழங்கியவர்கள், அவரை திருமணம் செய்தவர் மற்றும் திருமணம் செய்தவர் இருக்கும் கட்சி, இயக்கம் என வழக்கிற்கு சம்பந்தம் இல்லாத முறையில் விசாரணையை அமைத்துக் கொண்டது.

ஹாதியா (எ) அகிலா திருமணம் செய்து கொண்டது எப்படி என்றும், அவரை திருமணம் செய்து கொண்டவர் மீது ஏதேனும் குற்ற வழக்கு உண்டா மற்றும் அவரின் இயக்க செயல்பாடுகள் என்ன போன்றவற்றையும் விசாரித்த பிறகும் கூட, மனநிறைவு பெறாத உயர் நீதிமன்றம், பல உச்சநீதிமன்ற முன் தீர்ப்புகளை மீறி, வரம்புக்கு அப்பாற்பட்டு அவர் 24 வயதை அடைந்தாலும், “பெற்றோர்களின் அனுமதி இல்லாமல் திருமணம் செய்தாலும், இப்போது அவருக்கு பெற்றோர்களின் அன்பு தேவை” என்று ஹாதியாவின் விருப்பத்திற்கு எதிராக அவரின் தனி மனித உரிமைக்கு சமாதி கட்டிவிட்டு, அவரை அவரின் பெற்றோர்களின் வீட்டில் காவலில் வைக்க உத்தரவிட்டது.

அதோடு இதற்கு பின்னால் இருக்கும் உண்மையை டிஜிபி விசாரணை மூலம் கண்டுபிடிக்க உத்தரவிட்டு, மேற்படி திருமணம் செல்லாது எனவும், சட்டத்திற்கு அப்பாற்பட்டு அந்த பெண்ணின் உரிமைகளை புதைக்கும் விதமாக கேரள உயர் நீதிமன்றம் நடந்து கொண்டது. மேஜரான ஒருவர் தன் னுடைய சுய விருப்பத்தின்படி ஒரு மதத்தை தழுவ அரசியல் சாசனம் அளித்துள்ள உரிமைக்கு மாறாகவும், இரண்டு பேர் மனம் விரும்பி செய்துகொண்ட திருமணத்தை செல்லாது என்று தீர்ப்பளித்த கேரள உயர்நீதிமன்ற உத்தரவை எதிர்த்து ஷாபின் ஜஹான் சுப்ரீம் கோர்ட்டில் மேல்முறையீடு செய்தார்.

மேல்முறையீட்டு மனுவை விசாரித்த உச்ச நீதிமன்றமோ, ஒருபடி மேலே சென்று இந்த வழக்கில் தேசிய புலனாய்வு ஏஜென்சி (என்.ஐ.ஏ) விசாரித்து அறிக்கை தாக்கல் செய்யும்படி உத்தரவிட்டது. ஹாதியாவின் தனி மனித அடிப்படை உரிமையை ஒதுக்கி வைத்துவிட்டு, சங்க்பரிவாரின் போலி ‘லவ் ஜிஹாத்’ புராணத்தை நிரூபிக்க என்.ஐ.ஏ. புலன் விசாரணையை நியமித்து உத்தரவிட்டது. தகுந்த ஆதாரங்கள் இல்லாமல், பெண்களை மதம் மாற்றி நாடு கடத்தி வருகிறார்கள் என்ற புராணத்தை ஊதி பெரிதாக்கியுள்ளது.

அடிப்படை மனித உரிமையை பறித்த உச்ச நீதிமன்றத்தின் இந்நடவடிக்கை விமர்சனத்திற்குள்ளானதுடன், அடிப்படை உரிமைகளுக்கு மாறாக நீதிமன்றங்கள் செயல் பட்டு டாக்டர் ஹாதியாவிற்கு இழைத்துள்ள அநீதியை கண்டித்து மனித உரிமை அமைப்புகள் தொடர்ந்து போராடி வந்தனர். தங்கள் திருமணம் குறித்து தேசிய புலனாய்வு ஏஜென்சி(NIA) விசாரணை நடத்துவதைக் கண்டித்து, செப்டம்பர் 20ல் ஷஃபின் புதிய மனு ஒன்றை உச்சநீதி மன்றத்தில் தாக்கல் செய்தார். புதிய தலைமை நீதிபதி தீபக் மிஸ்ரா முன்னிலையில் அக்டோபரில் மனு விசாரணைக்கு வந்தது.

ஜே.எஸ்.கேஹர் தலைமையிலான அமர்வு பிறப்பித்த உத்தரவை கேள்விக்குள்ளாக்கிய தீபக் மிஸ்ரா ஷஃபினுக்கும்-ஹாதியாவுக்கும் இடையே நடைபெற்ற மத இணைப்புத் திருமணத்தை தடைசெய்ய கேரள உயர்நீதிமன்றத்திற்கு அதிகாரமில்லை எனக் குறிப்பிட்டுள்ளார். ஹாதியாவை அவரின் தந்தை பல மாதங்களாக அவரின் பிடியில் வைத்திருப்பது குற்றம் எனவும் கடுமையாகக் கண்டித்துள்ளார்.

காவல்துறை விசாரணையில் ஷஃபின்-ஹாதியா திருமணத்தில் எந்தக் குற்றமும் நடைபெற்றதாகத் தெரியவில்லை, எனவே தேசிய விசாரணை அமைப்பின் விசாரணை தேவையில்லை எனக் குறிப்பிட்டு, கேரள இடது ஜனநாயக முன்னணி அரசு பிராமணப் பத்திரம் ஒன்றையும் உச்ச நீதிமன்றத்தில் தாக்கல் செய்துள்ளது.

27/11/2017 உச்ச நீதிமன்றத்தில் வழக்கு விசாரனையில் ஹாதியா தாம் மிகுந்த மன உளைச்சலுக்கு ஆளாகி உள்ளதாகவும் தன்   படிப்பதை தொடர விரும்புவதாகவும் தனக்கு பாதுகாவலராக தனது கணவரை நியமிக்க வேண்டியும் கோரிக்கை வைத்தார் ,

உங்கள் படிப்பு செலவுக்கு கேரள அரசின் உதவி வேண்டுமா ? என்ற நீதிபதியின் கேள்விக்கு  என்னை பார்த்துக்கொள்ள என் கணவர் இருக்கையில் அரசின் உதவி தேவை இல்லை என ஹாதியா பதிலளித்தார் ,

இந்நிலையில் ஹாதியா படிப்பை தொடர அனுமதி வழங்கியும் கல்லூரி முதல்வரே

ஹாதியாவின் பாதுகாவலராக நியத்தது . மேலும் மற்ற மானவர்கள் போலவே ஹாதியாவை நடத்தவும் ஹாதியாவை பெற்றோர்  மற்றும் கணவர் பார்க்க அனுமதி அளித்தும் நீதிபதி உத்தரவிட்டார் . பின்னர் இவ்வழக்கு ஜனவரி 3ஆம் தேதி ஒத்திவைக்கப்பட்டது,

இது குறித்து திராவிடர் விடுதலைக் கழகத் தலைவர் கொளத்தூர் மணியிடம் பேசியபோது, “திருமணம் என்பது வயது வந்த ஆணும் வயது வந்த பெண்ணும் விரும்பினால் திருமணம் செய்து கொள்ளலாம் என்பதுதான் இயற்கை விதியாக இருக்க முடியும். இதில் மதத்தின் பெயரால் இருதரப்பாரும் தங்கள் மூக்கை நுழைக்க முயற்சிப்பதும், தனி மனிதர்களுடைய சுதந்திரத்தைவிட, அடிப்படை உரிமைகளைவிட மதத்தின் உரிமைகள் பேசப்படுவதைத்தான் இந்த வழக்கில் தொடர்ந்து பார்க்கிறோம். இருவர் கூடி தீர்மானிக்க வேண்டியதுதான் திருமணம். இதில், மணமக்களின் பெற்றோர்களே என்றாலும் தலையிட உரிமையில்லை” என முடித்தார்.

ஒரு காவல்நிலையத்தில் ஒரு sub inspector ஒரே நாளில் தீர்த்து வைக்கவேண்டிய பிரச்சனையை உயர்நீதிமன்றமும், உச்சநீதிமன்றமும் ,NIA வும், ஆறுமாதகாலமாக இழுத்தடித்து அநீதி இழைக்கின்றனர்.

நீதியின் குரல்

யான் முஸ்லீமானு ….
என்கீ நீதி கிட்டனும்….
ஜஹான் என்ட ஹஸ்பன்டானு….

இன்னும் என் காதுகளில் ஒலித்துக் கொண்டிருக்கும் குரல்…
ஓரிரு நாட்களாய் மனதை இரணப்படுத்தியது…

தான் ஒரு முஸ்லீம் என்பதை
மக்கள் மத்தியில் உறக்க சொல்ல
வைத்த இறைவனுக்கே
எல்லா புகழும்…

ஹாதியா முஸ்லீம் தானே
அதை கூறியதில் என்ன இருக்கிறது என்று வினவலாம்…

பல ஊடகங்களின்
வாயை அடைக்க அந்த வாக்குமூலம்
தேவைப்பட்டது…

பதினோறு மாத வீட்டு சிறை அவள்
மனதை மாற்றியிருக்கும் என எதிரிகள்
மனப்பால் குடித்திருந்த வேலை
அவர்களின் எண்ணங்களை கருவறுத்தது அந்த குரல்…

பல கொடுமைகள் கொலை
மிரட்டல்கள் இருந்தபோதும்
ஈமானிய உறுதி அதிகரித்ததே தவிர
வேறில்லை…

“ஈட்டி முனையை நீட்டிபிடித்தாலும்
ஈமானை இழக்க மாட்டோம் ”
என நாம் கோஷமிடுவோம்.

ஆனால் உண்மையில்
அதை நிரூபித்து காட்டிவிட்டாள்.
வீர மங்கை ஹாதியா.

நட்புடன்
ஜுபைர் முஹம்மத் அல்புஹாரி

#Hadiya
#We_Stand_with_Hadiya

இரு சம்பவங்கள் இரு பெண்கள் ஒரே கோட்டில் …

அல்லாஹ்வின் பெயரால் …

 

இரண்டு சம்பவங்களும் ஒரு மாதம் முன்பு அதிகமாக பேசபட்டவை தான் இவைகள் இரண்டும் எதிர்மறை நிகழ்வுகள் சொல்லும் ஒரே பாடம் தான்.

முதல் சம்பவம்

ருக்ஸானா …

கோவை சாய்பாபா காலணியை சேர்ந்த ஹைதர் அலி என்பவரது மகள் ருக்சானா. கடந்த 16 ம் தேதி காணாமல் போனார். இவரை பல இடங்களில் தேடிய பெற்றோர் சாய்பாபா காவல் நிலையத்தில் புகார் செய்தனர்.இதற்கிடையே பவானி கல்லாறு அணை அருகே பாறை பொதும்பில் பிணமாக நிர்வாண நிலையில் ருக்ஸானா கண்டெடுக்கப்பட்டாள். போலீசாரின் தீவிர விசாரணையில் பிரசாந்த் என்ற சாப்ட்வேர் இன்ஜினியரை போலீசார் கைது செய்தனர். இந்நிலையில், ருக்சனாவின் கொலை வழக்கை சிறப்பு பிரிவு விசாரனைக்கு மாற்றுமாறும் சம்பந்தப்பட்ட குற்றவாளிகளுக்கு தகுந்த தண்டனை பெற்று தருமாறும் அவரது பெற்றோர்கள் கோவை மாநரக ஆணையரிடம் புகார் அளித்தனர். இது தொடர்பாக அவர்கள் அளித்த புகாரில்,எனது மகள் ருக்சானா கடந்த 16.10.2017 அன்று காலை 11 மணியளவில் தனது தோழியிடம் புத்தகம் வாங்கி வருவதாகச் சொல்லி சென்றவர் வெகு நேரமாகியும் திரும்பி வராததால் பல இடங்களில் தேடிப்பார்த்து எத்தகவலும் கிடைக்காததால் 18.10.2017 அன்று சாய்பாபாகாலனி காவல் நிலையத்தில் புகார் அளித்தேன்.மேற்படி புகார் அளித்தத்தின் பின்னிட்டும் உடனடியாக எவ்வித நடவடிக்கையும் எடுக்கப்படவில்லை. தொடர்ந்து காவல் நிலையத்தில் வலியுறுத்தி வந்ததின் அடிப்படையில் ருக்சானாவிற்கு கடைசியாக போன் செய்த நபர்களை விசாரித்து நடவடிக்கை எடுக்க சாய்பாபா காலனி போலீசார் முயற்சி மேற்கொண்டு 22.10.2017 அன்று எனது மகளுக்கு போன் செய்திருந்த பிரசாந்த் என்பவரை விசாரணைக்காக அழைத்து வந்தனர்.மேற்படி பிரசாந்த் கடந்த 6 மாதங்களுக்கு முன்பு எனது வீட்டிற்கு வந்து தகராறு செய்தும் அதனை தொடர்ந்து சாய்பாபா காலனி காவல் நிலையத்தில் பிரசாந்த் மீது வழக்கும் பதிவு செய்யப்பட்டது.என்பதாக குறிப்பிட்டுள்ளார்

 

அந்த பெண் இன்று நம் சமூகத்திக்கு சாட்சியாக இருக்கிறாள் . பெரும்பாலும் கல்லூரிக்கு அடியெடுத்து வைக்கும் நம் சமூக பெண்கள் சந்திக்கும் பிரச்சனைகளில் பிரதானம் மற்ற பெண்களோடு பழகும்போது அவர்களுடைய குணமும் மாற்று மதத்தார் போல் ஒன்றி போய்விடுகிறது . குறிப்பாக

ஆண் நண்பர்களுடன் சகஜமாக பழகுதல் பேசுதல் ,

எல்லா இளைஞனும் பெண்களுடன் ஒரே எண்ணத்துடன் தான் பழகுவார்கள் அதில் இந்து என்ன முஸ்லிம் என்ன !!!!

 

ஆண் பெண் கலப்பு உள்ள கல்லூரிகளில் பெண் பிள்ளைகளை சேர்ப்பதை தவிர்ப்பது கட்டாயம் .

பெண் பிள்ளைகள் வெளிவுலகம் தெரியா வெகுளியாக இருப்பது பல இளைஞர்கள் சாதகமாக பயன்படுத்தி கொள்ள வாய்ப்பாக அமைந்து விடுகிறது .

நான் உனக்கு அண்ணன் போல் அல்லது உன் நண்பன் என்று பேச்சை துவங்கி மரணத்தின் விளிம்பில் நிறுத்திவிடுகின்றனர் ….

 

முதலில் பெண்களுக்கு மார்க்கம் கற்பிப்பது அவசியம் .

அத்துடன் யாருடன் பழகுவது நல்லது .ஒரு ஆணின் துணை எப்போது அவசியம் . நமது பாதுகாப்பு யாரை சுற்றி உள்ளது என்பதை உணர்வது அவசியம் .

 

குழந்தைகளுக்கு Good Touch க்கும் Bad Touch க்கும் வித்தியாசம் கற்பிப்பது போல் எது சரியான உறவு எது தவறான உறவு என்பதை தெரிந்து கொள்ளும் அறிவை கொடுப்பது அவசியம் . இது எந்த புத்தகமோ ,சினிமாவோ கொடுப்பதில்லை .

 

பெற்றோர்கள் தான் குழந்தைகளுக்கு முதல் பாடசாலை அவர்களுடைய நெருங்கிய நண்பர்கள் பெற்றோர்கள்தான் என்ற அளவிற்கு , குறிப்பாக இளம் வயதில் மனம் திறந்து எந்த விஷயத்தையும் பேசக்கூடிய அளவிற்கு பழகுதல் வேண்டும் . அப்படி பழகினால் தான் எந்த உறவு சரி எது தவறு என்பது புரியும்.

 

இரண்டாவது சம்பவம்

 

ஹதியா ….

 

 

“கேரளாவின் கோட்டயம் மாவட்டம், வைக்கம் ஊரைச் சேர்ந்த அசோகன் மணி, பொன்னம்மா ஆகியோரின் மகள் அகிலா. 2015-ம் ஆண்டு சேலத்தின் ஒரு கல்லூரியில் சேர்ந்து இளங்கலை ஹோமியோபதி மருத்துவம் படிக்க ஆரம்பித்தார். விடுமுறை நாள்களில் தோழிகள் வீட்டுக்குச் சென்றதில், இஸ்லாம் மதத்தின்மீது பற்றுகொள்கிறார். இஸ்லாம் அவர் மனதுக்குள் ஆழமாக ஊடுருவுகிறது. டிசம்பர் 2015-ல் அவரது தாத்தா இறந்த சமயம், ஹதியாவாக வீட்டுக்கு வரும் அகிலா, இறுதிச் சடங்குகளில் பங்கேற்கவில்லை.

பிறகு, 2016 ஜனவரியில் மீண்டும் வீட்டுக்கு வரும் ஹதியா, தொழுகையில் ஈடுபடுகிறாள். இதைக்கண்ட பெற்றோர் கண்டித்து அனுப்புகிறார்கள். ஆனால், மகள் இஸ்லாம் மதத்தைப் பின்பற்றுவதை அறிந்துகொண்டு சேலத்திலிருந்து வீட்டுக்குத் திரும்பும்படி நிர்ப்பந்திக்கிறார்கள். ஹதியா தோழிகள் வீட்டில் தஞ்சம் அடைகிறாள். ஆட்கொணர்வு மனுவைத் தாக்கல்செய்யும் பெற்றோர், ஹதியாவின் தோழிகளான ஜஷினா மற்றும் ஃபஷினா ஆகியோர் மகளைக் கடத்தியிருக்கலாம் என்றும் மனுவில் குறிப்பிடுகிறார்கள். இதனிடையே, இஸ்லாம் பயில விரும்பிய ஹதியாவை, சத்திய சாரணி என்கிற நிறுவனத்தில் ஜஷினா மற்றும் ஃபஷினாவின் தந்தை அபுபக்கர் சேர்க்கிறார்.

 

ஆட்கொணர்வு மனுவை விசாரித்த நீதிமன்றம், ஹதியாவின் தந்தை தக்கல்செய்த மனுவைத் தள்ளுபடி செய்கிறது. ஹதியாவை தொடர்ந்து சத்திய சாரணியில் படிக்க அனுமதிக்கிறது. ஆகஸ்டு மாதம் அடுத்த ஆட்கொணர்வு மனுவைத் தாக்கல்செய்கிறார் ஹதியாவின் தந்தை அசோகன். இதனிடையே, செபின் ஜஹான் என்பவருடன் ஹதியாவுக்கு நிக்காஹ் முடிவாகிறது. தனது மகளை யாரோ ஏமாற்றி மதம் மாற்றி தீவிரவாத அமைப்புகளில் சேர்த்து வெளிநாட்டுக்கு கடத்த முயல்வதாக (லவ் ஜிஹாத்) சொல்கிறார் அசோகன். அப்படி எதுவும் நடைபெறவில்லை என்று தன் தந்தைக்கு கடிதம் அனுப்புகிறார் ஹதியா. திருமணமும் முடிந்துவிடுகிறது. வழக்கை விசாரித்த நீதிமன்றம், அந்தத் திருமணத்தை ’லவ் ஜிஹாத்’ என்று சொல்லி, திருமணத்தை ரத்துசெய்கிறது. ஹாதியாவுக்கு செல்போன் உள்ளிட்ட தொடர்பு சாதனங்களைப் பயன்படுத்த தடையும், அதைக் கண்காணிக்க ஒரு பெண் காவலரையும் நியமிக்கிறது.

24 வயது நிரம்பிய ஹதியா, புரியாமல் முடிவெடுத்திருப்பதாகவும், பெற்றோரின் அனுமதி இல்லாமல் செய்த இந்தத் திருமணத்தை ஏற்க முடியாது என்றும் தீர்ப்பு சொல்கிறது. தற்போது பெற்றோருடன் இருக்கும் ஹதியா, தான் தாக்கப்படுவதாகவும் கொலை மிரட்டல்கள் இருப்பதாகவும் வீடியோ ஒன்றை வெளியிட்டுள்ளார். இதற்காக, உச்சநீதிமன்றத்தில் ஹதியாவின் கணவர் வழக்கு தொடர்ந்துள்ளார். இதுகுறித்து விசாரிக்க நவம்பர் 27-ம் தேதி ஹதியாவை ஆஜர்படுத்துமாறு நீதிமன்றம் உத்தரவிட்டுள்ளது.

“ஹதியாவின் கணவர் மிகவும் மனமுடைந்து போயிருக்கிறார். அவர்களுடையது காதல் திருமணம் இல்லை என்றாலும், அவர்களுக்கிடையே இருக்கும் காதல் விவரிக்க முடியாதது. ஹதியா வழக்கில் நீதிமன்றம் நடந்துகொண்டது தனி மனித உரிமையை மறுப்பதாக உள்ளது” என்கிறார் ஹதியா குறித்த ஆவணப்படத்தை இயக்கியிருக்கும் கோபால் மேனன்.”

 

(நன்றி விகடன் )

 

இந்த சம்பவத்தில் ஒரு பெண் சத்திய மார்கத்தை ஏற்று அதற்காக தன் பெற்றோர்களை எதிர்த்து தன் கணவரை பிரிந்து இஸ்லாத்தை ஏற்ற ஒரே காரணத்திற்காக தினமும் துன்பகளுக்கு ஆளாகும் நிலையில் போராடி கொண்டிருக்கிறார்.

 

இந்த இரு சம்பவங்களும் ஒரே நேர்கோட்டில் வந்து நிற்கிறது அது தான் ஈமான் . ஒருவரின் ஈமான் பலகினமானால் வாழ்க்கையே பாழாகும். ஒருவரின் ஈமான் வலுவனால் உலகே எதிர்த்தாலும் சத்தியத்தின் வழி நடக்கும் துணிச்சல் வரும் .

 

அல்லாஹ் ஹதியாவிற்கு பாதுகாப்பை வழங்குவானாக ..வெற்றியை வழங்குவானாக …

 

நட்புடன்

முஹம்மத் ஜுபைர் அல்புஹாரி

 

ஹிட்லர் ஹீரோவா ? இனவாதியா???

எதிரிக்கு எதிரி நண்பர் என்ற சித்தாந்தம் பல உண்மைகளையும் நியாயங்களையும் நம் கண்களை விட்டு மறைத்து விடுகிறது…

முஸ்லிம்களை கொன்று குவித்த முஷொலினியை இனவாதியாக பார்க்கும் சிலர் , ஹிட்லரை ஹீரோவாக கருதுகின்றனர். குறிப்பாக முஸ்லிம் , ஹிட்லர் லட்சக்கணக்காண யூதர்களை கொன்றார் என்பதை பெருமையாக எண்ணி அவரை ஹீரோவாக பார்க்கிறோம்…
இதற்கு பெயர்தான் இனவாதம்( racism).

முதலில் இஸ்லாத்தின் வளர்ச்சிக்கான முக்கிய காரணங்களில் மிக முக்கியமான கொள்கைகளில் ஒன்று இனவாத ஒழிப்பு தான்.

நபி மொழி வாயிலாக கூறினால்,

அரபி அல்லாதோர்களை விட
அரபியர்கள் உயர்தவர்கள் இல்லை.
அரபியர்களை விட அரபி அல்லாதோர் உயர்ந்தவர்கள் இல்லை.
கருப்பர்களை விட வெள்ளை நிறத்தோர் உயர்ந்தோரில்லை…
வெள்ளை நிறத்தவர்களை விட
கருப்பர்கள் உயர்ந்தவர்கள் இல்லை.
மக்கள் அனைவரும் சமமானவர்களே!!!

இந்த வார்த்தைகளே இஸ்லாம் பட்டி தொட்டி எங்கும் பரவ காரணமாக இருந்தது.

தீண்டாமை, அடிமை தனம் போன்ற சித்தாந்தங்களை அடித்தொழித்தது இஸ்லாம் என்ற எண்ணத்தை நிலை நிறுத்து கொள்ளுங்கள்.

நான் ஒன்றும் யூதர்களுக்கு பரிந்து பேசவில்லை . நாம் என்றும் இனவாதத்தை ஆதரிக்க கூடாது…

அல்லாஹ்வின் கோபத்திற்குள்ளான கூட்டம் தானே யூதர்கள் என்ற எண்ணம் வரலாம்…

ஆம் குர்ஆனும் அப்படித்தான் வரலாற்றை பதிவு செய்துள்ளது.
ஆனால் அதற்கான யாரையும் கொல்ல மார்க்கம் அனுமதிக்க வில்லை.
அல்லாஹ் குர்ஆன் கூறும் போது,

நியாயமான காரணமின்றிக் கொலை செய்வதை அல்லாஹ் தடுத்திருப்பதால் நீங்கள் எந்த மனிதரையும் (அநியாயமாகக்)கொலை செய்யக் கூடாது.அநியாயமாகக் கொல்லப் பட்ட வாரிசுக்கு நாம் (பழிதீர்க்கவோமன்னிக்கவோ) அதிகாரம் அளித்திருக்கிறோம். ஆனால்,பழிதீர்ப்பதில் வரம்புமீறலாகாது.திண்ணமாக அநியாயமாகக் கொலையுண்டவரின் வாரிசு, (அதிகாரம் வழங்கி) உதவி செய்யப்பட்டவராவார் (அல்குர்ஆன் 17:33).

எந்த ஒரு உயிரையும் காரணமின்றி பறித்தால் மிக பெரிய குற்றம் என்றே மார்க்கம் கற்று தருகிறது.

நபிகளார் மதீனா வருகையில் மதீனாவில் அதிகம் யூதர்களும் இருந்ததாக வரலாறு கூறுகிறது . அவ்வளவு ஏன் நபிகளார் ஹிஜ்ரத் பயணத்தில் மதீனா வருவதை
முன்முதலில் கண்டு மதீனாவாசிகளுக்கு சொன்னவரும் ஒரு யூதர் தான்.

மதீனாவில் ஆட்சி அதிகாரம் நபிகளாரின் கையில் வந்தும், யூதர்கள் என்றாலே முதுகில் குத்தும் குணமுடையவர்கள் என்று தெரிந்தும் அவர்களை உள்ளடக்கியே ஆட்சி செய்தார்கள் காரணம்,
இனவாதத்தை அழிக்க வந்த உத்தம நபிகளார் எப்படி இனவாதம் செய்வார்கள் !!!

இஸ்லாம் வரலாற்றில் போரில் மட்டுமே எதிரியை கொல்ல அனுமதிக்கிறது.
எதிரி களை யுத்தகளத்தில் சந்திப்பதே வீரம். அப்பாவி மக்களை கொல்வது வீரம்
அல்ல.

இறைவசனத்தில் கூறுகையில்
“உங்களோடு போரிடுபவர்களிடம் நீங்களும் அல்லாஹ்வின் பாதையில் போரிடுங்கள் மேலும் வரம்பு மீறாதீர்கள்.”
-அல்பகரா

இறுதியாக ஒரு விடயம்…
ஹிட்லர் அன்று பல லட்ச யூதர்களை கொல்லாமல் இருந்திருந்தால்
இன்று இஸ்ரேல் என்ற நாடு உருவாகாமல் இருந்திருக்கலாம்..!!!

ஹிட்லர் ஒரு இனவாதி-Racist ….

நட்புடன்
ஜுபைர் முஹம்மத் அல்புஹாரி

நபி தோழர்கள் யார்?

இரண்டு சிறகுடையவர் என்ற சிறப்பு பெற்ற நபித்தோழர் யார்?

விடை: ஜஃபர் பின் அபீதாலிப்(ரலி)

இறைவனின் வாள் என்று அழைக்கப் பட்ட நபித்தோழர் யார்?

விடை :காலித் பின் வலீத் (ரலி)

முதலில் இஸ்லாத்தை ஏற்ற பெண்மணி யார்?

விடை: கதீஜா(ரலி)

பிலால்(ரலி)அவர்களை அடிமைத்தனத்திலிருந்து மீட்டவர் யார்?

அபூ பக்கர் (ரலி)

ஹுதைபிய்யா உடன்படிக்கை சமயத்தில் குறைஷிகளிடமிருந்து வந்த குதிரைப் படைக்குத் தலைமை வகித்தவர் யார்?

விடை: காலித் பின் வலீத்(ரலி)

இறை வசனங்கள் அருளப்படும்போது அதை எழுத அமைக்கப்பட்ட குழுவில் தலைமை வகித்தவர் யார்?

விடை : ஸைது (ரலி)

அகழ்ப் போரில் அகழ் வெட்டும் யோசனையளித்த நபித் தோழர் யார்?

விடை : ஸல்மானுல் ஃபாரிஸீ (ரலி)

நபி (ஸல்) அவர்கள் ஹிஜ்ரத் செய்தபோது உடன் சென்ற தோழர் யார்?

விடை : அபூபக்ரு(ரலி)

தொழுகைக்கு முதல் முதலாக பாங்கு சொன்ன நபித்தோழர் யார்?

விடை : பிலால்(ரலி)

முஹர்ரம் பத்து அன்று உயிர் நீத்த நபி (ஸல்) அவர்களின் உறவினர் யார்?

விடை : ஹுஸைன்(ரலி)

இஸ்லாத்தை ஏற்பதை மஹராக வழங்க சம்மதித்த நபித்தோழர் யார்?

விடை : அபூதல்ஹா(ரலி)

தனக்கு மிகவும் விருப்பமான தோட்டத்தை தர்மமாக வழங்கியவர் யார்?

விடை : அபூதல்ஹா(ரலி)

நபி (ஸல்) அவர்கள் மரணத்திற்குப் பின்னர் ஆட்சிக்கு வந்த முதல் கலீஃபா யார்?

விடை : அபூபக்ரு (ரலி)

நபி(ஸல்) அவர்கள் ஹிஜ்ரத்துக்குமுன் மதீனாவுக்கு இஸ்லாத்தை எத்திவைக்க அனுப்பப்பட்ட நபித்தோழர் யார்?

விடை : முஸ்அப் இப்னு உமைர்(ரலி)

நபி (ஸல்) காலத்தில், இஸ்லாத்தை முதலில் ஏற்ற சிறுவர் யார்?

விடை : அலீ (ரலி)

நபி(ஸல்) அவர்கள் நோயுற்றிருந்த இறுதிவேளையில் தொழவைத்த நபித்தோழர் யார்?

விடை : அபூபக்ரு(ரலி)

உஹதுப் போரில் முஸ்லிம்களையும், முஅத்தாப் போரில் எதிரிகளையும் கதிகலங்கச்செய்தவர் யார்?

விடை : காலித் பின் வலீத் (ரலி)

ஓர் ஆட்டையாவது வலிமாவாக வழங்குமாறு நபி (ஸல்) அவர்கள் கூறிய நபித்தோழர் யார்?

விடை : அப்துர் ரஹ்மான் பின் அவ்ஃப்(ரலி)

இதில் எந்த நபித்தோழரைக் கஃபனிட முழுமையான ஆடை இருக்கவில்லை?

விடை : முஸ்அப் (ரலி)

நபி (ஸல்) அவர்கள் சுவர்க்கத்தில் யாருடைய காலடியோசையைக் கேட்டார்கள்?

விடை : பிலால் (ரலி)

நபி(ஸல்) அவர்கள் ஆரம்ப காலத்தில் இஸ்லாத்தைப் போதிக்க நபித்தோழர்களோடு ஒன்றுகூடிய இடம் எது?

விடை : தாருல் அர்கம்

எந்தக் கலீஃபாவின் ஆட்சியில் ஸ்பெயினில் இஸ்லாம் பரவியது?

விடை: உஸ்மான்(ரலி)

ஹிஜ்ரத் செய்து மதீனாவுக்கு வந்த நபி(ஸல்) முதலில் தங்கியிருந்த வீட்டின் அன்சாரி தோழர் பெயர் என்ன?

அபூ அய்யூப்(ரலி)

நபி(ஸல்) அவர்களின் இறுதி நாட்களில், அவர்களை கைத் தாங்கலாக அழைத்துச் சென்ற இரு நபித் தோழர்கள் யாவர்?

ஃபழ்ல் இப்னு அப்பாஸ் & அலீ(ரலி)

ஆயிஷா(ரலி) அவர்கள் விலைக்கு வாங்கி விடுதலை செய்த அடிமைப்பெண்ணின் பெயர்?

விடை: பரீரா(ரலி)

அம்மார் பின் யாஸிர் (ரலி) அவர்களின் தாயார் பெயர் என்ன?

விடை : ஸுமைய்யா(ரலி)

நூறு ஒட்டகங்களுக்காக நபி(ஸல்) அவர்களைக் கொலை செய்ய நினைத்தவர் யார்?

விடை : ஸுராக்கா(ரலி)

நபிப்பள்ளிவாயில் தூணில் கட்டி வைக்கப்பட்டு, பின்னர் இஸ்லாத்தைத் தழுவியவரின் பெயர் என்ன?

விடை : துமாமா(ரலி)

நபி (ஸல்) காலத்தில், இஸ்லாத்தை முதலில் ஏற்ற சிறுவர் யார்?

விடை : அலீ (ரலி)

மிகச் சிறந்த ஆட்சியாளராகத் திகழ்ந்த இரண்டாவது கலீஃபா அவர்கள் பெயர் என்ன?

விடை : உமர் (ரலி)

வட்டி தடை செய்யப்பட்ட போது நபி (ஸல்) அதைத் தள்ளுபடி செய்து துவக்கிய அவகளின் உறவினர் பெயர்?

விடை : அப்பாஸ் (ரலி)

முஸைலமாவினால் கைது செய்யப்பட்டு, அவர் அவையில் கொல்லப்பட்ட நபித்தோழர் யார்?

விடை : ஹபீப் (ரலி)

அபூஜஹலின் மகன் பெயர் என்ன?

விடை : இக்ரிமா (ரலி)

முஸைலமா எனும் பொய்யன் யாரால் கொல்லப் பட்டான்?

விடை : வஹ்ஷி(ரலி)

தொழுகைக்கும் ஜகாத்துக்கும் இடையில் வேறுபாடு காண்பவர்களோடு போராடுவேன்”என்றவர் யார்?

விடை : அபூபக்கரு(ரலி)

இதில் எந்த நபித்தோழரைக் கஃபனிட முழுமையான ஆடை இருக்கவில்லை?

விடை : முஸ்அப் (ரலி)

முதன் முதலாக இஸ்லாத்தை ஏற்ற ஆண் யார்?

ஹழ்ரத் ஆபூபக்கர் ஸித்தீக் (ரலி)

முதன்முதலாக இஸ்லாத்தை ஏற்ற அடிமை யார்?

ஹழ்ரத் ஸைத் (ரலி)

முதன் முதலாக இஸ்லாத்திலே ஷஹுதான பெண் யார்?

ஹழ்ரத் சுமையா (ரலி)

முதன்முதலாக இஸ்லாத்திற்காக உயிர் துறந்த ஆண் தியாகி யார்?

ஹழ்ரத் அம்மார் பின் யாஸிர்(ரலி)

600 பேரீத்த மரங்களைக் கொண்ட மிகப்பெரிய தமது தோட்டத்தையே அல்லாஹ்வுக்கு கடனாக (கர்ளாக) வழங்கியவர் யார்?

அபுத்தஹ்தாஹ் (ரலி).

பத்ருப் போர்களக் கைதியான தனது தந்தை அல்லாஹ்வின் தூதரை புண்படுத்திய சுடுசொற்களைக் கேட்டு அவரை ஒரே வெட்டில் சாய்த்தார் ஒரு நபித் தோழர். அந்த வீரத் தோழர் யார்?

அபூ உபைதா ஆமிர் இப்னுல் ஜர்ராஹ் (ரலி).

ஸாஹிபு ஸிர்ரு ரஸூலில்லாஹ் (இறைதூதரின் அரகசியக் காப்பாளர்) எனக்கூறப்படுபவர் யார்?

ஹுதைபத்து இப்னுல் யமான் (ரலி).

ஸைய்யிதுஷ்ஷுஹதா ( தியாகிகள் தலைவர்) எனப் போற்றப்படுபவர் யார்?

ஹம்ஸா இப்னு அப்துல் முத்தலிப் (ரலி).

மக்கத்துக் குரைஷியர் கொடுமைப்படுத்தி வாட்டி வதக்கி தண்ணீர் கூட குடிக்கவிடாது ஒரு பெண்ணைத் தடுத்தனர். அப்போது அல்லாஹ் விண்ணிலிருந்து தண்ணீரை இறக்கினான்.அந்த மாண்புக்குரிய பெண்மணி யார்?

உம்மு ஷரீக் அல் அஸதிய்யத்துல் அன்ஸாரிய்யா (ரலி). இவரே பெண்களிடையே இரகசியமாக இஸலாமியப்பிரச்சாரம் செய்தவர்.

தமது இனிய குரலால் குர்ஆன் ஓதும்போது வானவர்கள் ஒளிவிளக்குகளாகப் பிரகாசித்து காது குளிரக்கேட்டு மகிழ்ந்தனர். அந்த நபித் தோழர் யார்?

உஸைத் இப்னு குளைர் (ரலி) என்னும் அன்ஸாரித் தோழர்.

ஹலால்,ஹராம் பற்றிய சட்டங்களை அதிகம் அறிந்த அறிஞர் யார்?

முஆத் இப்னு ஜபல் (ரலி). வெளிப்டையாகவே மக்கத்துக் குரைஷிகளிடம் தாம் ஹிஜ்ரத் போவதாக உரத்துக் கூறிவிட்டு வெளியேறினார் ஒரு தோழர். அவரைத் தடுத்து நிறுத்த எவருக்கும் திராணி இருக்கவில்லை.அந்த மாபெரும் நபித் தோழர் யார்?

அரபு உலகத்தையே நடுங்க வைத்த மாவீரர் உமர் இப்னுல் கத்தாப் (ரலி) அவர்கள். ஸைபுல்லாஹ் (அல்லாஹ்வின் வாள்) என முஃத்தா போரின் போது அறிவிக்கப்பட்ட மாபெரும் தளபதி யார்?

காலித் இப்னுல் வலீத் (ரலி). ஹுதைபிய்யாவில் நபி(ஸல்) அவர்களிடம் இருமுறை பைஅத் (உறுதிப்பிரமாணம் செய்தவர் யார்?

அப்துல்லாஹ் இப்னு உமர் (ரலி).

அமீனுல் உம்மத் ( சமுதாயத்தில் நம்பிக்கைக்குரியவர்) எனப் புகழாரம் சூட்டப்பட்ட நபித் தோழர் யார்?

அபூ உபைதத்துல் ஜர்ராஹ் (ரலி).

நீண்ட ஆயுளும், செல்வப் பேறும், மக்கள் பாக்கியமும் அருள ஒரு நாயகத்தோழருக்காக நபி (ஸல்) அவர்கள் பிரார்த்தனை செய்தார்கள். ஆவ்வாறே அடையவும் செய்தவர் யார்?

அனஸ் இப்னு மாலிக் (ரலி).

ஒரு நாயகத் தோழரின் சாட்சி இருவர் சாட்சிகளுக்கு சமம் என பெருமைப்படுத்தப்பட்டவர் யார்?

குஸைமத் இப்னு தாபித் (ரலி).

கைபர் போரின் போது அல்லாஹ்வும் பொருந்திக் கொண்ட ஒருவரிடம் போர்க்கொடி வழங்கப்பட்டது. அந்தத் தளபதி யார்?

அலீ இப்னு அபீ தாலிப் (ரலி)

சுவர்க்கத்தின் எல்லா வாசல் வழியாகவும் செல்பவர் என பெருமானாரால் நற்செய்தி கூறப்பட்ட நபித் தோழர் யார்?

அபூ பக்ர் இப்னு அபீ குஹாஃபா (ரலி).

குர்ஆனில் பெயர் கூறப்பட்ட ஒரே நபித் தோழர் பெயர் என்ன?

ஸைத் ( இன்னு ஹாரிதா) (ரலி)

அல் குர்ஆன் கஸீலுல் மலாயிக்கத் ( வானவர்களால் குளிப்பாட்டப்பெற்றவர்) என அழைக்கப்படுபவர் யார்?

ஹன்ளலா இப்னு அபீ ஆமிர் (ரலி).

உஹதுப்போரில் பெருமானாரது பாதுகாப்பிற்காகப் போராடிய நாயத்தோழரின் கைகள் சல்லடையாக்கப்பட்டன. அவர் யார்?

தல்ஹத்து இப்னு உபைதுல்லாஹ் (ரலி)

‘ரஜ்லுன் ஸாலிஹ்’ (நல்ல மனிதர்) எனப் புகழப்பட்ட நபித் தோழர் யார்?

அப்துல்லாஹ் இப்;னு உமர் (ரலி).

‘உம்முஹாத்துல் முஃமினீன்’(இறைநம்பிக்கையாளர்களின் அன்னையர்)களில் ஒருவர் ‘ஸவ்வாமா- கவ்வாமா’ (மிக அதிகமாக நோன்பு நோற்பவர், நின்று தொழுபவர்) எனச் சிறப்பிக்கப்பட்டார். அவர் யார்?

ஹஃப்ஸா பின்த் உமர் (ரலி)

யாருடைய மரணத்திற்காக அல்லாஹ்வின் அர்ஷ் நடுங்கியது ?

ஸஃது இப்னு மஆத் (ரலி)

அஸ்மா பின்த் அபீ பக்ர் (ரலி) அவர்களின் கணவர் யார்?

அஸ்ஸுபைர் இப்னுல்; அவ்வாம் (ரலி)

கிஸ்ரா மன்னரின் முத்துப் பதித்த காப்புகளை அணியும் பேறு பெற்றவர் யார்?

ஸுராகத் இப்னு மாலிக் (ரலி). ( இவரே நூறு சிவப்பு ஒட்டகங்களைப் பரிசாக்பெறும் ஆசையில் ஹிஜ்ரத்தின் போது நபிகளைத் துரத்தி வந்தவர். அவர்களை எதிரிகளிடம் காட்டிக் கொடுக்கமாட்டேன் என வாக்குறுதி அளித்ததற்குப் பரிசாக பாரசீகத்தை வெல்லும் போது அந்த மன்னரின் காப்புகள் பரிசாக அணிவிக்கப்;படும் என முன்னறிவிப்புச் செய்யப்பட்டார். அவை பிறகாலத்தில அந்நாட்டை வென்றபோது வழங்கப்பட்டன.)

நாயகத்தின் ‘ஹவாரிய்யூன்கள்’ என்னும் தோழர்களில் ஒருவர் எனந் கூறப்பட்டவர் யார்?

அஸ்ஸுபைர் இப்னுல்; அவ்வாம் (ரலி)

பெருமானார் (ஸல்) காலத்தில் இருபதிற்கும் குறைவான இளைஞர் ஒருவர் படைத்தளபதியாக நியமிக்கப்பட்டார்? அவர் யார்?

உஸாமா இப்னு ஸைத் ரலி)

உத்மான் இப்னு மள்வூன் (ரலி) யார்?

நபி (ஸல்) அவர்களின் பால் குடி சகோதரர்.

உமர் (ரலி) மாமா மகன், மனைவி ஸைனப் (ரலி) யின் கணவர். முஹாஜிர்களில் மதீனாவில் முதன் முதலாக மரணித்தவர்.

”அபஸ வத்தவல்லா அன் ஜாஅஹுல் அஃமா” என்னும் 80-வது அத்தியாயம் யார் விசயமாக அருளப்பட்டது?

அந்தகரான அப்துல்லாஹ் இப்னு உம்மி மக்தூம் (ரலி) விசயமாக.

உஹதுப் போர்களத்தில் பெருமானார் (ஸல்) அவர்களை அரணாகக் காத்து நின்றோரில் ஒரு பெண்மணியும் இருந்தார். அவர் யார்?

உம்மு உமாரா’ என்னும் நுஸைபா பின்த் கஃபில் மாஸினிய்யா (ரலி)

‘தாத்துந் நிதாகைன்’ (இரு அரைக்கச்சையுடையவர்) என நபியால் போற்றப்பட்டவர் யார்?

அஸ்மா பின’த் அபீ பக்ர் (ரலி)

தன் கணவர் விசயமாக நபிகளாரிடம் முறையிட்ட பெண்மணி யார்?

கவ்லா பின்த் தஃலபா (ரலி) (அல் குர்ஆன் 58:1)

‘உம்முல் மஸாகீன்’ ( ஏழைகளின் அன்னை) என அழைக்கப்பட்டவர் யார்?

உம்முல் முஃமினீன் ஸைனப் பின்த் ஜஹ்ஷ; (ரலி) ஆவார்.

பெருமானாரின் முஅத்தின் (முதல் முஅத்தின்) யார்?

பிலால் இப்னு ரபாஹ் (ரலி)

நபி(ஸல்) மதீனா சென்றதும் யாருடைய வீட்டில் தங்கினார்கள்?

ஆபூ அய்யூபில் அன்ஸாரி (ரலி)

வீட்டில். ”முஸ்தஜாபுத்தஃவா’ ‘துஆ (பிரார்த்தனைகள்) அங்கீகரிக்கப்படுபவர்’ என சிறப்பிக்கப்பட்ட நபித் தோழர் யார்?

ஸஃது இப்னு அபீ வக்காஸ் (ரலி)

ஹிஜ்ரத்தின் போது வழியில் எந்த பெண்மணியின் இல்லத்தில் பால் அருந்தி களைப்பாறிச் சென்றார்கள்?

உம்மு மஃபத் (ரலி)அவர்கள், (‘ஷமாயிலுந்நபி)’ பெருமானார் தோற்றத்தைப்பற்றி தம் கணவரிடம் மிக அற்புதமாக வர்ணித்துக் கூறியவர். அவர்களின் சொல்லழகு அரபு இலக்கத்தில் தனி இடம் பெற்றவளங்குகிறது.

பெருமானாரின் எந்த மனைவியர் “தம் சமூகத்தரிடம் தனி மதிப்பும் மரியாதையும் பெற்றவர்”?

உம்முல் முஃமினீன் ஜுவைரிய்யா பின்த் ஹாரித் (ரலி)

ஜின்னால் கொலை செயயப்பட்ட நபித் தோழர் யார்?

ஸஃது இப்னு உப்பாதா (ரலி)

எந்த நபித்தோழரைப் பார்த்து வானவர்களும் நாணமுறுவார்கள்?

உத்மான் இப்னு அஃப்பான் (ரலி)

‘

வானவர் தலைவர் ஜிப்ரீல் (அலை) அவர்கள் எந்த நாயகத் தோழரின் தோற்றத்தில் வருவார்கள்.?

திஹ்யத் இப்னு கலீஃபத்துல் கலபீ( ரலி) அவர்களின் தோற்றத்தில் அய்யாமுல் ஜாஹிலிய்யா என்னும் அறியாமைக் காலத்தில் குழந்தைகளை உயிரோடு புதைத்தவர் யார்?

ஸஃது இப்னு நாஜியா (ரலி)

எந்த முஷ்ரிக்கும் (இணைவைப்பாளரும்) தன்னைத் தொடக்கூடாது. தானும் தொடமாட்டேன் என நேர்ச்சை செய்த நாயகத் தோழர் யார்?

ஆஸிம் இப்னு தாபித் (ரலி)

தமது சட்டையால் கபனிட்டு நபிகளால் அடக்கம் செய்யப்பட்ட பெண்மணி யார்?

அபூதாலிபின் மனைவி ஃபாத்திமா பின்த் அஸத் (ரலி). இவர் அலி (ரலி) அவர்களின் தாயார். அபூ பக்ர் (ரலி) அவர்களின் இயற் பெயரென்ன?

அப்துல்லாஹ் இப்னு அபீ குஹாஃபா (ரலி)

பத்ருப் போரில் தமது வாள் உடைந்தபோது நபி (ஸல்) ஒரு பேரீத்தர மரக்குச்சியைக் கொடுத்து நபித் தோழர் ஒருவரிடம் போராடச்சொன்னார்கள். உடனே அது ஒரு வாளாக மாறியது. போராடிய அந்தத் தோழர் யார்?

உக்காஷ் இப்னு முஹ்ஸின் (ரலி)

தபூக் போரில் கலந்து கொள்ளாது பின் தங்கிய மூன்று நாயத் தோழர்கள் யார்?

1.கஃபு இப்னு மாலிக் அஸ்ஸல்மீ அல் அனஸாரீ (ரலி), 2.மிராரத் இப்னு ரபீஃ அல்ஆமிரீ அல்அன்ஸாரீ ரலி), 3.ஹிலால் இப்னு உமய்யத் இப்னு ரபீஆ அல்-அன்ஸாரீ (ரலி). (பின்தங்கியவர்களை அல்லாஹ் மன்னித்துவிட்டதாகக்கூறுகிறான் (அல்குர்ஆன்-9:118)

ஸைய்யிதுல் குர்ராஃ’ காரிகளின் தலைவர் என சிறப்பிக் கப்படுபவர் யார்?

உபை இப்னு கஃபு (ரலி)

யாரிடம் குர்ஆனின் முதல் பிரதி (அல் முஸஹஃபுல் அவ்வல்) ஒப்படைக்கப்பட்டது?

ஹஃப்ஸா பின்த் உமர் (ரலி)

யாரிடம் குர்ஆனை ஒன்று திரட்டும் பணியை முதற் கலீஃபா அபூபக்கர் (ரலி) ஒப்படைத்தார்கள்?

ஸைத் இப்னு தாபித் (ரலி) . (இவரே பல மொழிகளைத் தெரிந்து மொழிபெயர்ப்பும் செய்தவர்)

அன்னை ஆயிஷா(ரலி) விசயத்தில் (இஃப்கு )அவதூறாகப் பேசப்பட்ட நபித் தொழர் யார்?

ஸஃப்வான் இப்னுல் முஅத்தல் (ரலி). (பின்னர் இவர்கள் நிரபராதிகள் என இறைச்செய்தி வந்து அவதூறு கூறியோருக்கு கசையடி வழங்கப்படது)

துந்நூரைன் ( இரு ஒளிகளைப் பெற்றவர்) எனப் புகழப்பட்டவர் யார்?

உத்மான் இப்னு அஃப்பான் (ரலி). பெருமானாரின் பெண்மக்கள் ருகைய்யா(ரலி), உம்மு குல்தூம்(ரலி) ஆகிய இருவரை (ஒருவர் மரணத்திற்குப்பின் மற்றொருவரை) மணந்தவர்.

‘துந்நூரைன்’ ஒளிச்சுடரைப் பெற்றவர் என்னும் பேறு பெற்றவர் யார்?

அத்துபைல் இப்னு அம்ர் (ரலி)

நபி(ஸல்) அவர்களின் அவைக் கவிஞர் யார்?

ஹஸ்ஸான் இப்னு தாபித் (ரலி)

குர்ஆனின் பல கிராஅத் முறைகளை ஒரே கிராஅத் முறையாக ஆக்கியவா யார்?

மூன்றாவது கலீபா உத்மான் இப்னு அஃப்பான் (ரலி)

அதிகமான நபி மொழிகளை அறிவித்தவர் யார்?

அபூ ஹுரைரா (ரலி) .

கந்தக் போரில் அகழ் வெட்டுவதற்கு பரிந்துரைத்தவர் யார்?

ஸல்மானுல் பார்ஸி (ரலி)

ஏழுவானத்திற்கு மேலிருந்து குற்றமற்றவர் என இறைவனால் தீர்ப்பு வழங்கப்பட்டவர் யார்?

உம்முல் முஃமினீன் அன்னை ஆயிஷா ஸித்தீகா (ரலி)

இந்த சமுதாயத்தின் அறிவுக்கடல் ‘ ஹிப்ருல் உம்மத்’ எனச் சிறப்பிக்கப்பட்டவர் யார்?

அப்துல்லாஹ் இப்னு அப்பாஸ் (ரலி)

அர்ஷின் மேலிருந்து அல்லாஹ்வால் திருமணம் செய்விக்கப்பட்டவர் என தம் சக்களத்திகளிடம் பெருமைப்படும் பெருமானார் மனைவி யார்?

உம்முல் முஃமினீன் அன்னை ஸைனப் பின்த் ஜஹ்ஷ் (ரலி)

இறைவனுக்கு ஒரு ஸுஜூது கூட செய்யாமல் ஷஹீதான ஸஹாபி யார்?

அம்ரு இப்னு தாபித் இப்னு கைஸ் (ரலி)

நபி பெருமானாரிடம் பெண்களின் தூதுவராகச் சென்ற நபித் தோழியர் யார்?

அஸ்மா பின்த் யஸீது இப்னு ஸகன் (ரலி)

நஜ்ஜாஷ் மன்னரால் நபி (ஸல்) அவர்களுக்கு திருமணம் செய்வித்த பெண்மணி யார்?

உம்மு ஹபீபா,

ரம்லா பின்த் அபீ ஸுஃப்யான் (ரலி) நாயகத் தோழர்களில் இறுதியாக மரணமடைந்தவர் யார்?

அபுத் துபைல் ஆமிர் இப்னு வாதிலா (ரலி)

ஷஹீதத்துல் பஹ்ர் ( கடற்போரில் மரணமடைந்த) நாயகத் தோழியர் யார்?

உம்மு ஹராம் பின்த் மில்ஹான் (ரலி).இவர் உம்மு ஸுலைம் (ரலி) அவர்களின் சகோதரியாவார்.

கொடுங்கோலன் ஹஜ்ஜாஜ் இப்னு யூஸுபால் மக்காவில் கொலை செய்யப்பட்டு கழுகு மரத்தில் தொங்கவிடப்பட்ட நபித் தோழர் யார்?

அப்துல்லாஹ் இப்னு ஸுபைர் (ரலி). இவர் அஸ்மா பின்த் அபீ பக்ர் (ரலி) அவர்களின் மகன்.

தமது நொண்டிக்காலால் சுவர்க்கம் புகுவார் என நபியால் கூறப்பட்ட நபித் தொழர் யார்?

உஹதுப் பொரில் ஷஹீதான அம்ருப்னுல் ஜமூஹ் (ரலி).

நபி யூஸுஃ ப் (அலை) அவர்களின் சந்ததியில் தோன்றிய நபித் தோழர் யார்?

அறிஞர் அப்துல்லாஹ் இப்னு ஸலாம் (ரலி)

மஸீஹுத் தஜ்ஜாலை பார்த்ததாக நபி மொழி கூறும் நபித் தோழர் யார்?

தமீம் இப்னு அவ்ஸ் அத்தாரமீ (ரலி)